दाङ । जेनजीको आन्दोलनका कारण विगत केही दिनदेखि ठप्प रहेका दाङका विद्यालय भोलिदेखि सञ्चालन हुने भएका छन् ।
तुलसीपुर उपमहानगरपालिकाभित्र रहेका सामुदायिक तथा संस्थागत विद्यालय भोलिदेखि सञ्चालन हुने भएका छन् ।
जेनजीको आन्दोलनका कारण केही दिनदेखि ठप्प रहेका तुलसीपुर सामुदायिक तथा संस्थागत विद्यालय भोलिदेखि सञ्चालन हुने तुलसीपुर उपमहानगरपालिकाका शिक्षा, युवा तथा खेलकुद शाखा प्रमुख चक्र बहादुर भण्डारीले जानकारी दिनुभयो ।
भण्डारीका अनुसार विद्यार्थीहरूको पढाइ केही दिन प्रभावित भएकाले तत्कालै विद्यालय सञ्चालन गर्ने निर्णय गरिएको हो ।
उता घोराही उपमहानगरपालिकामा रहेका विद्यालयहरू पनि भोलिदेखि नियमित रूपमा सञ्चालन हुने जनाइएको छ । आन्दोलनका कारण लामो समयदेखि शैक्षिक गतिविधि प्रभावित हुँदै आएका थिए ।
