दाङ । दाङमा प्रतिनिधिसभा सदस्यको मत मतगणना तीनवटै निर्वाचन क्षेत्रमा जारी रहेको छ । हालसम्म २४ हजार ४ सय ५३ मत गणना भएको छ ।
लुम्बिनी प्रदेश निर्वाचन कार्यालयका अनुसार हालसम्म १ हजार ११ मत बदर भएको छ । जसमा २३ हजार ४ सय ४२ मत सदर भएको लुम्बिनी प्रदेश निर्वाचन कार्यालय दाङका सूचना अधिकारी गेहेन्द्र बहादुर कवरले जानकारी दिनुभयो ।
निर्वाचन कार्यालयको विवरण अनुसार दाङ क्षेत्र नम्बर १ मा १४ हजार ८ सय ७१ मत गणना भएको छ । त्यसमध्ये ६ सय १९ मत बदर भएको छ भने १४ हजार २ सय ५२ मत सदर भएको छ ।
त्यसैगरी दाङ क्षेत्र नम्बर २ मा हालसम्म ३ हजार ९ सय १५ मत गणना भएको छ । त्यसमध्ये २ सय १ मत बदर भएको छ भने ३ हजार ७ सय १४ मत सदर भएको छ ।
यस्तै दाङ क्षेत्र नम्बर ३ मा ५ हजार ६ सय ६७ मत गणना भएको छ । त्यसमध्ये १ सय ९१ मत बदर भएको छ भने ५ हजार ४ सय ७६ मत सदर भएको छ ।
दाङका तीनवटै निर्वाचन क्षेत्रमा मतगणना जारी रहेको छ । अन्तिम परिणाम आउन अझै समय लाग्ने निर्वाचन कार्यालयले जनाएको छ ।
