दाङ । नेपाल आयल निगमले पेट्रोलियम पदार्थको नयाँ मूल्य कायम गरेको गरेको छ । निगमले आजदेखि लागु हुने गरी नयाँ मूल्य लागु गरेको हो ।
निगमले आजदेखि मूल्य समायोजन गरी डिजेल र मट्टितेलको मूल्यमा एक रुपैयाँ घटाइएको छ भने हवाई इन्धनतर्फ ६ रुपैयाँ बढाइएको छ । पेट्रोलको मूल्य भने यथावत राखिएको छ ।
इन्डियन आयल कर्पोरेशनबाट प्राप्त पेट्रोलियम पदार्थको नयाँ मूल्यअनुसार डिजेलमा एक रुपैयाँ ४४ पैसा घटेर तथा हवाई इन्धनमा प्रतिलिटर ५ रुपैयाँ ६२ पैसाले बढेर आएको हो ।
