दाङ । दाङको बसको ठक्करबाट दुई वर्षीय बालकको मृत्यु भएको छ ।
बसको ठक्करबाट सल्यानको शारदा नगरपालिका–२ खलङ्गा घर भई हाल दाङको तुलसीपुर उपमहानगरपालिका–५ रानीजरुवामा डेरा गरी बस्ने पप्पु नेपालीका छोरा अन्दाजी दुई वर्षीय आयन नेपालीको उपचारको क्रममा निधन भएको हो ।
बालकलाई बसले तुलसीपुर उपमहानगरपालिका–७ गैरापातुमा ठक्कर दिएको हो ।
बुधबार बिहान करिब १० बजे गैरापातु झोलुङ्गे पुलस्थित सडकमा लु.प्र.०२–००१ क ०००४ नम्बरको बसले पैदलयात्रीलाई ठक्कर दिँदा बालक घाइते भएका थिए ।
गम्भीर घाइते आयनको राप्ती प्रादेशिक अस्पताल तुलसीपुरमा उपचारका क्रममा मृत्यु भएको हो ।
दुर्घटनापछि प्रहरीले बस र चालकलाई नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ ।
