दाङ । दाङमा पेस्तोल सहित एक व्यक्ति पक्राउ परेका छन् । सल्यान कपुरकोट गाउँपालिका–३ फलाटे घरभई घोराही उपमहानगरपालिका– १५ बिपी चोक नजिक रहेको लोटस ट्रेनिङ सेन्टरमा ट्रेनिङ गरी (सोही ट्रेनिङ सेन्टरको होस्टेलमा) बस्ने १९ वर्षका अजय बिक पक्राउ परेको दाङ प्रहरीले जनाएको छ ।
बिकलाई अवैध हतियार तथा गोली गठ्ठा लुकाई छिपाइ राखेको गोप्य सूचनाको आधारमा पक्राउ गरेको जिल्ला प्रहरी कार्यालय दाङका सूचना अधिकारी चक्र बहादुर शाहले जानकारी दिनुभयो ।
बिकलाई हिजो मंगलबार साँझ करिब साढे ६ बजेतिर पक्राउ गरेको प्रहरीले जनाएको छ । प्रहरीका अनुसार बिकले ट्रेनिङ सेन्टरकै होस्टेलमा सुत्ने खाटमुनी राखिएको झोलाभित्र एकथान ०.३२ बोरको पेस्तोल, सोही पेस्तोलमा लाग्ने ४ राउण्ड गोली र ७ राउण्ड क्षमता भएको म्याग्जिन लुकाएर राखेको अबस्थामा फेला परेको सूचना अधिकारी शाहले जानकारी दिनुभयो ।
वडा प्रहरी कार्यालय घोराहीबाट प्रहरी निरीक्षक सुरजसिंहको कमाण्डमा गएको टोलीले उक्त हतियारसहित बिकलार्ई नियन्त्रणमा लिई थप अनुसन्धान भइरहेको प्रहरीले जनाएको छ ।
