दाङ । दाङको बिजौरीमा मोटरसाइकलको ठक्करबाठ एक पैदलयात्री गम्भिर घाइते भएका छन् ।
पैदल यात्री तुलसीपुर उपमहानगरपालिका– ७ का ६५ वर्षका गौमती रोकाको दुवै खुट्टा, टाउको र छातिमा चोट लागेको इलाका प्रहरी कार्यालय तुलसीपुरका सूचना अधिकारी सुर्य रानाले जानकारी दिनुभयो ।
घाइते रोकाको राप्ती प्रादेशिक अस्पताल तुलसीुरमा सामान्य उपचार पछि थप उपचारको लागि कोहलपुर रेफर गरिएको उहाँले जानकारी दिनुभयो ।
आज दिउँसो साढे २ बजेति तुलसीपुर उपमहानगरपालिका–१९ बासगडी कुटिचौरबाट बिजौरीतर्फ आउँदै गरेको रा.५ प २६७८ नम्बरको मोटरसाइकलले पैदल यात्रीलाई ठक्कर दिएको थियो ।
यस्तै मोटरसाइकल चालक तुलसुीपुर उपमहानगरपालिका– ७ का १६ वर्षका लक्षमण भुसाल र पछाडी सवार सोही ठाउँका १४ वर्षका रोहित खनाललाई शरिरमा सामान्य चोट लागेको र उपचार पश्चात डिस्चार्ज गरिएको प्रहरीले जनाएको छ ।
चालक भुसाललाई उपचारपछि इलाका प्रहरी कार्यालय तुलसीपुरले नियन्त्रणमा लियको छ ।
