दाङ। नयाँ सहकारी संस्था स्थापना गर्ने उद्देश्यले बुधबार तुलसीपुर उपमहानगरपालिका वडा नम्बर १६ भेलाहीमा पूर्व सहकारी शिक्षा तालिम सम्पन्न भएको छ ।
प्रस्तावित बुद्व कृषि सहकारी संस्था लिमिटेड तदर्थ संचालक समितिका अध्यक्ष बुद्धिप्रकास चोधरीको अध्यक्षतामा शिक्षा तालिम सञ्चालन गरिएको हो ।
सहकारीका प्रशिक्षक तथा जिल्ला सहकारी संघ लिमिटेड दाङका महासचिव शुक्रराज भण्डारीले ५० भन्दा बढी सहभागिलाई तालिम प्रदान गर्नु भएको हो ।
भण्डारीले सहकारीको अर्थ, अवधारणा, मुल्यमान्यता र सिद्धान्त सम्वन्धी तालिम दिनु भएको अध्यक्ष बुद्धिप्रकाश चोधरीले जानकारी दिनुभयो । तालिमको अवसरमा प्रशिक्षक भण्डारीले सहकारी समुदायमा आधारित हुनुपर्नेमा जोड दिनुभयो ।
रासायनिक मलको मात्र कारोबार गर्ने उद्देश्य भन्दा समग्र कृषि उद्यममा आधारित व्यवसायको उद्देश्य राखेर सहकारी दर्ता र सञ्चालन गर्न उहाँले आग्रह गर्नुभयो ।
